фильмдер

Түпсана және жасыл нәски
трагикомедия
2023
14+
Дариға отбасымен бірге шағын қалада тұрады. Оның әр күні күйбең тіршілікпен өтеді. Дариға тұрмыстан әбден қажып, қуануды ұмытқан әйел. Күйеуі оған назар аудармайды. Балалары тіл алмайды, енесі тым қатал, ал қайын сіңлісі күйеуге шығып, бөлек кетер емес. Кезекті ұрыстан кейін Дариға отбасылық қарым-қатынас жайлы тренингтің жарнамасы жайлы естиді. Оған қатысып келген Дариға «Өміріңді өзгерткің келсе, алдымен өзіңнен баста» деген қағидамен өмір сүруге бел буады.

Сен BOSSың
комедия
2023
12+
Бүкіл өмірін мансап жолына, еңбекке арнаған Раушан Қанатқызы 20 жылдық жұмыс өтілінен кейін бас директор қызметіне тағайындалуға үміттенеді. Алайда, күтпеген жерде басшылық бұл қызметке басқа жақтан келген Қарлығаш есімді жас, білікті маманды тағайындайды. Ол Раушанның келіні болып шығады. Осылайша, жұмыста Қарлығаш басшы болса, үйде Раушан Қанатқызы қатал ене.

Жезтырнақ
фэнтези, мистика, комедия
2024
16+
Көне заманнан бері халық арасында Жезтырнақтар жайлы аңыз-әңгімелер тараған. Адам қанымен қоректенетін ұзын тырнақтары бар, жойқын күшке ие мифологиялық құбыжықтар шынайы өмірде бар дегенге ешкім сенбейді. Бірақ, олар кәдімгі адамдар арасында тіршілік етеді екен. Мирас – Алматының қарапайым жігіті. Оған сұлу әрі табысты Айна есімді қыз ғашық болады. Мирастың әке-шешесі ұлдарының таңдауына риза. Ауқатты отбасымен құда болуға дәмелі. Алайда, олар жаңа құдалардың үйінде қандай құпия жатқанынан бейхабар.

Кімге керексің?
комедия, романтика, шытырман оқиғалар
2024
14+
Асхаттың бұрынғы қызы оны өзіне тым сенімді, мінезі тұрақсыз деп айыптап, оған ешкім күйеуге шықпайтынын айтады. Басты кейіпкер басқа қалыңдық табатынын айтып, бәс тігеді. Некеге тұруға екі аптадай ғана уақыт қалды. Қазақстанда жолы болмаған Асхат Баха деген жақын досымен бірге Вьетнамға аттанады. Әдемі әрі инабатты қалыңдық іздеген оның бұл елде таңғажайып хикаялары басталады. Экстремалды саяхаттың арқасында кейіпкердің өмірге деген көзқарасы өзгереді, құндылықтарды түсініп, отанына мүлде басқа адам болып қайтады.